Labels: Ghazal Shayari, Romantic Poetry

Labels: Ghazal Shayari, Yaad Shayari

Labels: Afsoos shayari, Ghazal Shayari

Na Tha Kuch To Khuda Tha, Kuch Hota To Khuda Hota,
Dabooya Mujh Ko Hone Ne, Na Hota Mein To Kia Hota..

Hua Jab Gham Se Yun Be_His To Gham Kia Sar Ke Katne Ka,
Na Hota Gar Juda Tan Se To Zanoo Par Dhara Hota�

Hui Muddat Ke �Ghalib� Mar Gaya, Par Yaad Aata Hai,
Wo Har Ek Baat Pe Kehna Ke Yun Hota To Kia Hota�

Labels: Ghazal Shayari, Mirza Ghalib

Be Karan Tanhaiyon Ka Silsila Reh Jaye Ga,
Tere Mere Darmiyan, bas ek khala reh jaye ga

Aks beh jayen ge sare dhoop ke sailab mein
Aur koi paaniyon mein jhaankta reh jaye ga

Mujh ko mere hamsafar aisa safar dar_paish hai,
Rasta kat bhi gaya to fasla reh jaye ga

Loog soo jayen ge khamoshi ki chadar oorh kar
Chaand suny aangnon mein jagta reh jaye ga

Jo kabhi us ne parhin thin mujh se �nasir� mang kar
Naam mera un kitabon mein likha reh jaye ga

Labels: Ghazal Shayari, Sad Poetry

Aaj Jagi Hui Yaadon Ko Sula De Saqi,
Mai Nahi Hai To Mujhe Zehar Pila De Saqi..
Mai: Wine, Zehar: Poison, Saqi: Bartender
Tishnagi Bujh Na Sake Gi Mere Paimane Se,
Mere Honton Ko Surahi Se Laga De Saqi�
Tishnagi: Thirst, Paimane: Scale, Surahi: Jar
Taara-e-Ehsaas Ko Phir Cheer Zara Holay Se,
Aaj Ek Bhoola Hua Geet Suna De Saqi�

Taara-e-Ehsaas: Star of feelings, Holay: Slowly, Bhoola: Forgotten, Geet: Song

Labels: Ghazal Shayari, Sharab Shayari, Yaad Shayari

Charhte Sooraj Dhalde Wekhe, Bujhe Deewe Balde Wekhe,
Heeray Da Koi Mul Na Taare, Khote Sikky Chalde Wekhe,

Jinnan Da Na Jag Te Koi, Oovi Puttar Palde Wekhe,
Aohdi Rehmat Dey Naal Bande, Pani Uttey Chalde Wekhe

Loki Kehnde Dal Ni Galdi, Mein Te Pathar Galde Wekhe
Jinha Qadar Na Ketti Yaar Di �Bulhiya� Hath Khali Oo Malde Wekhe

Labels: Bulleh Shah, Ghazal Shayari, Inspirational poetry

Majboor The Ham Apni Wafa Jitla Na Sake,
Khate Rahe Zakhm Dil Par, Kisi Ko Dikhla Na Sake!

Chahaton Ki Had Se Barh Kar Chaha Usey,
Sirf Apna Dil Nikal Kar Usey Dikha Na Sake!

Us Ke Liye Apna Sab Kuch Luta Diya,
Mager Phir Bhi Usey Apna Bana Na Sake�!

Labels: Ghazal Shayari, Wafa Shayari

Wo Jo Haal Tha Wohi Haal Hai, Kahon Kis Tarhan Naya Saal Hai
Wohi Zindagi Ke Wabaal Hai, Kahon Kis Tarhan Naya Saal Hai

Wohi Be Yaqeeni Hai Ku-Ba-Ku, Wohi Na Umeedi Hai Char Su,   

Jo Bhi Hai Sarapa Sawal Hai, Kahon Kis Tarhan Naya Saal Hai

Wohi Dast-O-Paa Wohi Chashm-o-lab Jo Gehan Mein The, Wo Gehan Mein Hain
Wohi Husn Jis Pe Zawaal Hai, Kahon Kis Tarhan Naya Saal Hai

Wohi Inteshaar Ki Zindagi Hai, Wohi Ghubar Si Zindagi Hai,
Wohi Saans Lena Mohaal Hai, Kahon Kis Tarhan Naya Saal Hai

Wohi Phool Phool Pe Titliyan Hain, Dari Hui Ke Mari Hui
Wohi Be Hisi Jo Kamal Hai, Kahon Kis Tarhan Naya Saal Hai

Wohi Khuwab Hain Ke Azaab Hain, Wohi Rooz-O-Shab Ke Sarab Hain,
Wohi Gardish-E-Meh-O-Saal Hai, Kahon Kis Tarhan Naya Saal Hai

Labels: Ghazal Shayari, Happy New Year, Inspirational poetry

Us Se Milne Ko Kabhi Hum Jo Machal Jate Hain
To Khayalon Mein Bohat Door Nikal Jate Hain 

machal: hyper;   
Gar Mohabbat Mein Sadaqat Bhi Ho, Shiddat Bhi
Phir To Ehsaas Hai Pather Bhi Pighel Jate Hain 

  Sadaqat: truth; Shiddat: Intensity; Pighel: melt; 
Us Ki Aankhon Ke Nashe Mein Hon Jab Se Dooba
Larkharate Hain Qadam Sanbhal Jate Hain 

Larkharate: Floundering; Qadam: Steps;    

Bewafa Ka Jab Bhi Mujhe Khayal Aata Hai
Ashk-E-Aankhon Se Rukhsaar Bhi Pighel Jate Hain 

  Ashk: Tears; Rukhsaar: Cheeks;
Piyar Mein Aik Hi Mausam Hai Baharon Ka �Faraz�
Loog Mausam Ki Tarhan Kese Badal Jate Hain

Labels: Ahmed Faraz, Ghazal Shayari

Jo Qismat Mein Na Ho Us Ka Gila Nahi Karte
Kuch Log To Mil Kar Bhi Mila Nahi Karte

Suna Hai Rooz Rooz Milne Se Mohabbat Kam Hoti Hai
Ye Soch Kar Hum Us Se Mila Nahi Karte

Aye Dil Tu Un Se Milne Ki Umeed Kion Karta Hai
Kuch Log To Umer Bhar Mila Nahi Karta

Wese To Aata Hai Har Shajar Pe Bahar Ka Mausam
Phi Rbhi Har Shaakh Pe Phool Khila Nahi Karte

Jab Wo Mila Tha To Us Se Rooh Ka Naata Jora Tha
Jab Rooh Sath Chor Jaye To Insaan Mila Nahi Karte....

Shared By: Jannat Abbasi

Labels: Ghazal Shayari, Sad Poetry, Zindagi Shayari

Labels: Ghazal Shayari

Ajab Halaat The Yun Dil Ka Soda Ho Gaya Aakhir,
Mohabbat Ki Haveeli Jis Tarha Neelaam Ho Jaye

Samander Ke Safar Mein Is Tarha Awaz De Ham Ko
Hawain Teiz Hon Aur Kashtiyon Mein Shaam Ho Jaye

Mujhe Maloom Hai Us Ka Thikana Phir Kahan Ho Ga
Parinda Aasman Chuny Mein Jab Nakaam Ho Jaye

Ujale Apni Yadoon Ke Hamare Sath Rehne Do
Na Jany Kis Gali Mein Zindagi Ki Sham Ho Jaye� :(

Labels: Ghazal Shayari, Sad Poetry

Mohabbat Chup Nahi Rehti

Wo Kehti Hai, Ke Khushiyon Mein Bhi Tum To Rony Lagte Ho
Mein Kehta Hun, Meri Aankhon Ko Sawan Acha Lagta Hai

Wo Boli, Tum Bhi Parhat Zindagi Se Rooth Jao Ge
Mein Bola, Han, Shayad Mout Mujh Se Maan Jaye Gi

Wo Boli, Tum Khushi Ke Geet Ko Mayoos Karte Ho
Mein Bola, Kia Karon In Mukhtasir Geeton Ka Mausam Hai

Wo Boli, Tum To Farhat Khud Hi Khud Se Haar Jate Ho
Mein Bola, Kia Karon Kamzoor Hun Aur Be Sahara Hun

Wo Boli, Kia Ye Sab Kuch Ittifaqan Hai Tumhara Gham
Mein Bola, Ye Bhi Mumkin Hai Ye Sab Ehtraman Ho

Labels: Ghazal Shayari, Mohabbat Poetry, Romantic Poetry

Labels: Ghazal Shayari, Romantic Poetry

Tarash Kar Mere Bazoo Uraan Chor Gaya
Hawa Ke Paas Barhana Kaman Chor Gaya

Bazoo: Shoulders; Uraan: Flight; Barhana: Naked; Kaman: Bow;

Rafaqton Ka Meri Us Ko Dehaan Kitna Tha
Zameen Ley Li Magaer Aasmaan Chor Gaya

Rafaqton: Companionship;

Ajeeb Shakhs Tha, Barish Ka Rang Dekh Ke Bhi
Khule Dareeche Pe Ik Phool_Dan Chorr Gaya

Dareeche: Window; Phool_Dan: Flower Pot;

Jo Badloon Se Bhi Mujh Ko Chupaye Rakhta Tha
Barhi Hai Dhoop To Be_Saibaan Chor Gaya

Be_Saibaan: Roofless

Nikal Gaya Kahin An_Dekhe Paniyon Ki Taraf
Zameen Ke Naam Khula Badbaan Chor Gaya

An_Dekha: Unseen; Badbaan: Sail

Uqaab Ko Thi Gharz Fakhta Pakarne Se
Jo Gir Gai To Yunhi Neem Jaan Chor Gaya

Uqaab: Eagle; Gharz: Purpose; Fakhta: Fakhta: Ringdove; Neem Jaan: Half-Life

Najane Kon Sa Aasaib Dil Mein Basta Hai
Ke Jo Bhi Thera Wo Aakhir Makaan Chor Gaya

Aasaib: Haunted;

Aqab Me Gehra Samandar Hai, Saamne Jangal
Kis Inteha Pe Mera Meharban Chor Gaya�.

Aqab: Behind; Jangal: Forest; Meharban: Compassionate;

By: Parveen Shakir

Shared by: Qadeer

Labels: Ghazal Shayari, Parveen Shakir

Faiz Ahmad Faiz Ghazal

Chaand Nikle Kisi Janib Teri Zaibai Ka

Rang Badle Kisi Soorat Shab-e-Tanhai Ka

Zaibai= Gracefulness, Shab-e-Tanhai= Isolated Night

Dolat-e-Lab Se Phir Aye Khusru-E-Shireen Dhnaan

Aaj Arzaan Ho Koi Harf Shanasai Ka

Khusru= Imperial; Shireen= lovableness; Arzaab= cheapening; Shanasai= acquaintance

Garmi-e-Rashk Se Har Anjuman-e-Gul Badnaam

Tazkarah Chairey Teri Perahan Aarai Ka

Rashk= enviable; Anjuman= Association; Badnaam= Notorious; Chairey= Teased;  Perahan= Cloths

Sehan-e-Gulshan Me Kabhi Aye Sheh-e-Shamshaad Qadaan

Phir Nazar Aaye Saleeqa Teri Raanai Ka

Sehan-e-Gulshan= Garden�s Courtyard; Sheh= ; Shamshad= cypress; Raanai= Gracefulness

Ik Baar Aur Maseeha-e-Dil-e-Dil Zadgaan

Koi Wada, Koi Iqraar Maseehai Ka

Deedah-o-Dil Ko Sanbhaloo Ke Sar-e-Shaam Faraq

Saaz-o-Saaman Baham Pohncha Hai Ruswai Ka

Deedah= Smart; Faraq= Departing; Saaz-o-Saaman= Paraphernalia; Ruswai= Disgrace

Labels: Faiz Ahmed Faiz, Ghazal Shayari

Eid Poetry by Saghar Siddiqui

Chaak Daman Ko Dekha To Mila Eid Ka Chand
Apni Tasweer Kahan Bhool Gaya Eid Ka Chand

Chaak = Rift; 

Is Ke Aabrooye Khameda Ki Tarha Teekha Hai
Apni Aankhon Mein Bari Dair Chubha Eid Ka Chand

Aabrooye = Eyebrows; Khameda = Curved; Teekha = Sharp

Door Wairaan Baseeray Mein Diya Ho Jese
Gham Ki Deewar Se Dekha To Laga Eid Ka Chand

Weraan = Isolated; Baseeray = Nest;

Ley Key Halaat Ke Sehraon Mein Aa Jata Hai
Aaj Bhi Khald Ki Rangeen Fiza Eid Ka Chand

Sehraon = Deserts; Khald = Immortalize

Talkhiyan Barh Gayn Jab Zeest Key Pemaany Mein
Ghool Ke Dard Ke Maaron Ney Piya Eid Ka Chand

Talkhiyan  = Bitter; Pemaany = Scale;

Chasm To Wusat-E-Aflaak Mein Khoyi �Saghar�
Dil Ne Ik Aur Jaga Dhoond Liya Eid Ka Chand

Wusat = Expand; Aflaak = Heavens; Khoyi = Lost

Labels: EID Poetry, Ghazal Shayari, Sagar Siddiqui

Nasir Kazmi Ghazal

Gaye Dinon Ka Suraagh Le Kar Kidhar Se Aaya Kidhar Gaya Wo
Ajeeb Manoos Ajnabi Tha, Mujhe To Hairaan Kar Gaya Wo

Khushi Ki Raat Ho Keh Gham Ka Mausam, Nazar Usy Dhoondti Hai Har Dam
Wo Boye Gul Tha Keh Naghma-E-Jaan, Mere To Dil Mein Utar Gaya Wo

Wo Maikadey Ko Jagane Wala, Wo Raat Ki Neend Uraney Wala
Ye Aaj Kia Is Ke Jee Mein Aai Keh, Shaam Hote Hi Ghar Gaya Wo

Wo Jis Ke Kandhon Pe Haath Rakh Kar Safar Kia Tu Ne Manziloon Ka
Teri Gali Se Najaney Koin Aaj Sar Jhukaye Guzar Gaya Wo

Wo Raat Ka Be Nawa Musafir, Wo Teri Shayr, Wo Tera �Nasir�
Teri Gali Tak To Ham Ne Dekha Tha Phir Najaney Kidhar Gaya Wo

Labels: Ghazal Shayari, Nasir Kazmi

Parveen Shakir Ghazal

Wo Jab Se Shehr Kharabaat Ko Rawana Hua
Barah-E-Raast Mulaqaat Ko Zamana Hua
Kharabaat: Clubs; Rawana: Departed; Barah-e-Raast: Direct; Mulaqaat: Meeting; Zamana

Wo Shehr Chorr Ke Jana To Kab Se Chahta Tha
Ye Nokri Ka Bulawa To Ik Bahana Hua
Nokri: Job; Bahana: Excuse;

Khuda Kare Teri Aankhein Hamesha Hansti Rahein
Ye Aankhein Jin Ko Kabhi Dukh Ka Hosla Na Hua
Hansti: Smile; Dukh: Grief; Hosla: Courage; 

Kinara-E-Sehan Chaman Sabz Bail Ke Niche
Wo Rooz Subha Ka Milna To Ab Afsana Hua
Kinara: Edge; Sehan: Courtyard; Bail: Vine; Afsana: Story;

Mein Soochti Hun Ke Mujh Me Kami Thi Kis Shey Ki?
Ke Sab Ka Ho Ke Raha Wo Bas Ik Mera Na Hua

Shey: Thing;

Kise Bulati Hain Aangan Ki Champai Shamein
Ke Wo Ab Apne Naye Ghar Mein Bhi Purana Hua
Aangan: Courtyard; Purana: Old;

Dhanak Ke Rang Mein Sari To Rang Li Mein Ne
Aur Ab Ye Dukh Ke Pehan Kar Kise Dikhana Hua
Dhanak: Rainbow; Sari: Sari;

Mein Apne Kaanon Mein Pehley Ke Phool Kion Pehnoon
Zaban-E-Rang Se Kis Ko Mujhe Bulana Hua
kaanon: Ears; Pehley: Before; Phool: Flowers; Bulana: Called;

Labels: Ghazal Shayari, Parveen Shakir