Hum Neend Ke Ziada Shoqeen To Nahi �Faraz�,
Kuch Khwab Na Dekhain To Guzara Nahi Hota�!

Labels: 2 line Urdu poetry, Ahmed Faraz, Neend shayari

Us Se Milne Ko Kabhi Hum Jo Machal Jate Hain
To Khayalon Mein Bohat Door Nikal Jate Hain 

machal: hyper;   
Gar Mohabbat Mein Sadaqat Bhi Ho, Shiddat Bhi
Phir To Ehsaas Hai Pather Bhi Pighel Jate Hain 

  Sadaqat: truth; Shiddat: Intensity; Pighel: melt; 
Us Ki Aankhon Ke Nashe Mein Hon Jab Se Dooba
Larkharate Hain Qadam Sanbhal Jate Hain 

Larkharate: Floundering; Qadam: Steps;    

Bewafa Ka Jab Bhi Mujhe Khayal Aata Hai
Ashk-E-Aankhon Se Rukhsaar Bhi Pighel Jate Hain 

  Ashk: Tears; Rukhsaar: Cheeks;
Piyar Mein Aik Hi Mausam Hai Baharon Ka �Faraz�
Loog Mausam Ki Tarhan Kese Badal Jate Hain

Labels: Ahmed Faraz, Ghazal Shayari

Yun Hi Mausam Ki Ada Dekh Kar Yaad Aya Hai,
Kis Qadar Jaldh Badal Jaty Hain Insaan Janan�

Labels: 2 line Urdu poetry, Ahmed Faraz, Bewafa Shayari

Kisi Bewafa Ki Khatir

Kisi Bewafa Ki Khatir Ye Janoon-e-Faraz Kab Tak?
Jo Tumhein Bhula Chuka Hai, Usy Tum Bhi Bhool Jao�

Labels: 2 line Urdu poetry, Ahmed Faraz

Urdu Shayari - Faraz Sad Poetry

Tamam Umer Usi Ke Khayal Mein Guzri 'Faraz'

Mera Khayal Jise Umer Bhar Nahi Aaya....

Labels: 2 line Urdu poetry, Ahmed Faraz, Tanha Shayari

Roman Urdu

Mohabbat Kar Sakte Ho To Khuda Se Karo 'Faraz'

Mitti Ke Khilonon Se Kabhi Wafa Nahi Milti....

Urdu

???? ?? ???? ?? ?? ??? ?? ??? ????

??? ?? ??????? ?? ???? ??? ???? ???? 

Labels: 2 line Urdu poetry, Ahmed Faraz

Yeh Mohabbat bhi hai kia Rog 'Faraz',

Jisko bhoolay wo sada yaad aaya...!

by: Ahmed Faraz

Labels: 2 line Urdu poetry, Ahmed Faraz, Ahmed Faraz Poetry, Dard Shayari, Sad Poetry

Kuch Mohabbat ka Nasha pehle ham ko Tha Faraz

Dil jo Toota to Nashe se Mohabbat Ho gai....!

Labels: 2 line Urdu poetry, Ahmed Faraz, Love Poetry, Mohabbat Poetry, Sad Poetry

"Hogayi rukhsat ghata baarish ke baad"

Hogayi rukhsat ghata baarish ke baad 

Ek diya jalta raha baarish ke baad

Mere behte hue Aansuon ko dekh kar 

Ro parri thandi hawa baarish ke baad

Meri tanhaayi ka daaman thaam kar 

Kuch udaasi ne kaha baarish ke baad

Yaad teri odh kar mein so gayi 

Khawaab ka daar khul gaya baarish ke baad

Chand dekh kar baadlo ki qaid mein 

Ek sitaara ro diya baarish ke baad

Apne ghar ki har kachi deewaar par 

Naam tera likh diya baarish ke baad....!

Labels: Ahmed Faraz, Ghazal Shayari, Sad Poetry

Urdu poetry

Milnay ki gharz ho to chalay aatay hain apnon ki tarha 'Faraz'

Dil bhar jaye to jawaab dena bhi gawaara nahi kartay...!!

Labels: 2 line Urdu poetry, Ahmed Faraz, Sad Poetry

? Suna hai log usay aankh bhar ke dekhte hain ?
So us ke shahar main kuchh din thehr ke dekhte hain...


Suna hai rabt hai us ko kharaab halon se
So apne aap ko barbad kar ke dekhte hain...


Suna hai dard ki gahak hain chashm-e nazuk us ki

So ham bhi us ki gali se guzar ke dekhte hain...

Suna hai us ko bhi hai sher-o shayari se shagaf

So ham bhi mojazay apnay hunar ke dekhte hain...

Suna hai bole to baton se phool jharrtay hain

Ye baat hai to chalo baat kar ke dekhte hain...

Suna hai raat use chand takta rehta hai

Sitaray baam-e falak se utar kar dekhtay hain...

Suna hai hashr hain us ki ghazaal si aankhain

Suna hai us ko hiran dasht bhar ke dekhte hain...

Suna hai din ko usay titliyan satati hain

Suna hai raat ko jugno thahar ke dekhte hain...

Suna hai rat se barh kar hain kakulan us ki

Suna hai sham ko saye guzar ke dekhte hain...

Suna hai us ki siyah chashmagi qiyamat hai

So us ko surma farosh aankh bhar ke dekhte hain...

Suna hai us ke labon se gulab jalate hain

So ham bahar par ilzaam dhar ke dekhte hain...

Suna hai aaina tamasal hai jabin us ka

Jo sada dill hain ban sanvar ke dekhte hain...

Suna hai jab se hamail hain us ki gardan main

Mizaj aur hi lal-o gauhar ke dekhte hain...

Suna hai chashm-e tasavur se dasht-e imkan main

Palang zawaiya us ki kamar ke dekhte hain...

Suna hai us ke badan ke tarash aisay hain

Ke phuul apani qabayain qatar ke dekhte hain...

Woh sarvqad hai magar begul-e muraad nahin

Ke us shajar pe shagufay samar ke dekhte hain...

Bas ek nigah se lutata hai qafila dil ka

So rahravaan-e tamannaa bhi dar ke dekhte hain...

Suna hai us ke shabistan se mutasil hai behisht

Makin udhar ke bhi jalway idhar ke dekhte hain...

Rukay tu gardishain us ka tawaf karti hain

Chalay to us ko zamanay theher ke dekhte hain...

Kisay naseeb ke be parahan usay dekhay

Kabhi kabhi dar-o divaar ghar ke dekhte hain...

Kahaniyan hi sahi sab mubalaghay hi sahi

Agar woh khawb hai tabeer kar ke dekhte hain...

Ab us ke sheher main thehrain ke kooch kar jayan

Faraz aao sitaray safar ke dekhte hain....

Labels: Ahmed Faraz, Ahmed Faraz Poetry, barbad shayari, Dard Shayari, Love Poetry, Mohabbat Poetry, Romantic Poetry, Romantic Urdu Poetry