Wo Jo Haal Tha Wohi Haal Hai, Kahon Kis Tarhan Naya Saal Hai
Wohi Zindagi Ke Wabaal Hai, Kahon Kis Tarhan Naya Saal Hai

Wohi Be Yaqeeni Hai Ku-Ba-Ku, Wohi Na Umeedi Hai Char Su,   

Jo Bhi Hai Sarapa Sawal Hai, Kahon Kis Tarhan Naya Saal Hai

Wohi Dast-O-Paa Wohi Chashm-o-lab Jo Gehan Mein The, Wo Gehan Mein Hain
Wohi Husn Jis Pe Zawaal Hai, Kahon Kis Tarhan Naya Saal Hai

Wohi Inteshaar Ki Zindagi Hai, Wohi Ghubar Si Zindagi Hai,
Wohi Saans Lena Mohaal Hai, Kahon Kis Tarhan Naya Saal Hai

Wohi Phool Phool Pe Titliyan Hain, Dari Hui Ke Mari Hui
Wohi Be Hisi Jo Kamal Hai, Kahon Kis Tarhan Naya Saal Hai

Wohi Khuwab Hain Ke Azaab Hain, Wohi Rooz-O-Shab Ke Sarab Hain,
Wohi Gardish-E-Meh-O-Saal Hai, Kahon Kis Tarhan Naya Saal Hai

Koi Haar Gaya, Koi Jeet Gaya

Ye Saal Bhi Aakhir Beet Gaya

Kabhi Sapne Sajaye Aankhon Mein

Kabhi Beet Gaye Pal Baaton Mein

Kuch Talkh Se Lamhaat Bhi The

Kuch Haadse Or Sadmaat Bhi The

Kuch Be-Rukhi, Kuch Be-Chaini

Kuch Man Pe Simti Veerani

Kuch Lamhe The Yaadgar Bohat

Kuch Lamhon Ko Barbaad Kia

"Par Ab Ke Baras Aye Dost Mere

Mujhe Rab Se Dua Ye Mangne Do

Koi Pal Na Tera Udaas Guzre

Koi Rog Na Tujhe Raas Guzre

Koi Tu Phoolon Ki Tarhan Khila Kare

Koi Shakhs Na Tujh Se Gila Kare

Tu Khush Rahe, Abaad Rahe

Tu Jo Chahe Wo Mil Jaye

Teri Maaf Wo Har Ek Khata Kare

Tujhe Ause Hi Rab Ata Kare..."

Ye Saal Bhi Aakhir Beet Gaya....

Jaa Raha Hai Yeh Saal Bhi Yaadon Ka Nazrana De Kar,
Ager Ho Gai Ho Hum Se Koi Khata, To Maaf Karna�..

Ab Yaad Dilayn Kia Tum Ko

Ye Saal Bhi Aakhir Beet Gaya

Aur Apna Bhi Koi Doosh Nahi

Ye Bazi Bhi Jag Jeet Gaya

Wo Sard Hawain Ab Bhi Hain

Rangeen Fizain Ab Bhi Hain

We Bheege Bheege Pani Ki

Pur Shoor Sadain Ab Bhi Hain

Mein Ab Bhi Udher Ko Jata Hun

Aur Dil Apna Sulgata Hun

Ab Tum Nahi Hote Sath Mere

Aur Hote Hain Khali Haath Mere

Pur Shor Sadain Poochti Hain

Wo Sard Hawain Poochti Hain

Wo Kahan Gaya Sathi Tera?

Kia Phir Ye Zamana Jeet Gaya?

Ye Saal Bhi Aakhir Beet Gaya

Ab Yaad Dilayn Kia Tum Ko......

Happy New Year 2013� UrduSadPoetry.com is now 8 months old. Thank you for be with us for a long time. We will do our best to keep sharing with you in 2013. Today is 31th December, the last day of the year 2012. :(

Reshmi Door Ki Tarhan
Hath Se Phisalta Hua
Ye Saal Bhi Jaa Raha Hai
Guzarte Is Saal Se
Hisab Kuch Lena Hai
Zakhm Jo Diye Hain Is Ne
Un Ka Marham Poonchna Hai
Apur Poonchna Hai....!!
Jo Kho Diya, Usy Payn Kahan
Yaadon Ko Sari, Dafnayn Kahan,
Aa Gahi Apni Salayn Kahan
Ya Yun Kar Lein
Rootha Pichla Saal Bhula Kar
Aany Wale Saal Sae
Doosti Kar Lein...